سافر حبوب الرجة قبل كم يوم الى دولة خليجية ( يا زعم انها سياحة )
تمشى كم يوم ...وجاك محدر على ديرته
حبوب الرجة هذا بالمناسبة مطنوخ ...ملقوف ...مزوحي من الدرجة الأولى مع اللي يعرفه واللي ما يعرفه !
حتى أمّه ما سلمت منه ! المهم وصل حبوب الرجة الى الجوازات ...لقى المبنى فاضي , ما فيه الا كم عسكري
من عساكر الجوازات اللي نفس الواحد من شيانتها كأنها قطوة ميتة وخايسة لها اسبوع !
المهم راح حبوب الرجة وسمت وجهه عند أقرب واحد ..وصكّه بابتسامة الله لا يوريكم
( ضرسين ذهب يتدلون ...وضرس ألومنيوم مثبت بمسمار ) المهم شافه العسكري وقال في نفسه:
أعوذ بالله من الشيطان الرجيم !! رح يا خوي انقلع من قدامي ...اقصد رح تفضل الى الأخ اللي على الطرف هنااااااااااااااك
قال حبوب الرجة بصوت خافت : شكله ما عنده ثقة في نفسه ! والا الظاهر موهب كفو يمسكونه أختام !!
راح حبوب الرجة للطرف الثاني ...وقف قدامه ...
وقال : أنا أرسلوني ..إِللللللللللللللللللللللك ومد يدينه ( وسواها على طريقة ميشو النصراني ثقيل الدم)
ابتسم العسكري وقال بصوت خافت : يا الله إن تعطينا العقل يا رب
سأل العسكري حبوب الرجة مازحاًوهو يختم على جوازه ويدخل معلوماته للكومبيوتر : هل معك شيء يا أخ حبوب ؟؟
قال حبوب الرجة : شيء مثل ايش يا أخ عسكري ؟؟؟
قال العسكري : يعني ...شيء ممنوع كذا والا كذا يا أخ حبوب ؟؟؟
رد حبوب الرجة بضحكة ماكرة وغمزه من عينه اليمنى : شيء ممنوع مثل ايش يعني يا أخ عسكري ؟؟
قال العسكري دون أن يرفع رأسه وينظر اليه ( والله ما ألومه ) : يعني ..مثلك عارف ..حشيش ..هيروين ..كوكايين ؟؟؟؟؟؟
ضحك حبوب الرجة ضحكة كأنه قاعد على قهوة أبو حدرية هههههههه ...وقال : يخرب بيت سمو حضرة ابليس سعادتك يا أخ عسكري ؟؟
قرّب حبوب الرجة من الدريشة اللي تفصله عن العسكري وقال بصوت خافت : والله إن بغيت الصراحة ..ترى معي ..شوي ..بس شوي حشيش استعمال شخصي يا أخ عسكري
أما الترويج فلا والله والعياذ بالله ....! ثم ابتسم وهمس للعسكري يا الله يا عم ابسط حيرقونك على ظهري !! بس ما تنسنيش من الذبيحة !! قالها حبوب الرجة وضحك ...وتراي أموت في الكلاوي
والكبدة ....!
طبعاً حبوب الرجة كان يمزح لأنه مش حق هالسوالف ...هو حبة بنادول تجيب راسه وتسطله ..! المهم ...ضحك العسكري ...وقال : طيب يا أخ حبوب...وين خشيتها ..كيف دسيتها ؟؟؟
قال حبوب الرجة بصوت خافت وهو يتلفت ويضحك................ : في الشكمان ( أي عادم السيارة ) يا أخ عسكري !
قال العسكري : طييييييييييييييييييييييب ..نشوف إن شاء الله استرح شوي اذا سمحت...نادى العسكري على جندي عنده وهمس له بكلام
وذهب الجندي مسرعاً
قال حبوب الرجة : يا ابن الحلال خلصني أنت تدري اني أمزح يا استاذ عسكري ؟؟
قال العسكري : كلها دقايق ونشوف أنت تمزح والا لا ؟؟؟
جاء النقيب ومعه بعض العسكر وتكلم مع العسكري على الدريشة وأمر بالقبض على حبوب الرجة
حبوب الرجة بغا يغمى عليه من الخوف ...أول مرة يشوف عساكر يقبضون على شخص ..كان أول يشوف يوسف شعبان في المسلسل وهو يمثل دور شرطي
وحسن مصطفى يمثل دور البرادعي المجرم ! أما الحين ..والدور عليه ....والله ورحت فيها يا ابو النكبات
كلبشوا حبوب الرجة ..الرجال يحاول يتكلم ما فيش فايدة ..صوته ما يطلع المسكين ...يحاول يسوي طريقة الصم والبكم ما فيه فايدة ...
جابوه عند سيارته ...قال له الضابط : في الشكمان هاه ..نشوف الحين يا استاذ حبوب !
جابوا كلب بوليسي وهدوه على سيارة حبوب الرجه ...قام الكلب يدور على السيارة ...يدور ..وعيون حبوب تدور معه ...
وهو يفكر يقول : لا يكون أحد من عيال الحرام حط لي شيء في السيارة وأنا مدري ...
المهم قلب حبوب قام يرقع سامري ! ...والكلب يدور ...وفجأة وقف الكلب عند مكان في السيارة وقام ينبح بشدة ..قام حبوب يكح ..يكح ..اححح ...
يبغا الكلب يروح والا يخاف ..لكن ما فيه فايدة ...تدرون وين وقف الكلب ؟؟؟؟؟ ..
عند الشكمان ! ...
حبوب الرجة بغا ينهبل ...الشكمان !! لالالالالالالالالالالالالا..لا يكون أنا حاط شيء وأنا مدري ! .. ..الشكمان ...مستحيل ...مستحيل ...
قال له النقيب : حبيبي ما فيه مستحيل في هالدنيا ...العب على غيرنا يا استاذ حبوب !!!!!!!!!!!!
قال الضابط للعسكر : جيبوا المشبك ...جابو أداة مثل المقص أو المشبك
وأدخلوها في الشكمان ليسحبوا اي شيء في داخله ....
حبوب الرجة..قلبه يضرب سامري على كيف كيفكم ! ...
سحبوا المشبك واذا فيه كيس فيه بودرة بيضاء !!
أغمى على حبوب الرجة على طول .... ( والله وطلعت أي كلام يا حبوب الرجة..خخخخخخخخ )
جابوا له موية ...وهفوا عليه مروحة ....المسكين قام يصيح مثل البزر ..الله يلوم اللي يلومه ...يحلف بالله ويقسم أنه فيه خطأ
وانه كان يمزح ...وان احد المهربين في ذلك البلد هو اللي حط له المخدرات في الشكمان من دون ما يدري !! يقسم ..ويحلف ...
ويبكي ..كأنه في فيلم هندي ! ...والله مش أنا ...والله مش أنا ...ايت ايز نوت مي ..نو داس نهاربو هباوي ..
سن فن عن روس فريك ..قام المسكين يتكلم بكل لغات الدنيا ...
حاول الضابط يهدبه شوي حتى يقدر يتكلم معه ويحقق لكنه ما قدر !! ما غير يصايح ... والعالم يطالعونهم...
آخر شيء قال له الضابط : ممكن تنثبر وتاكل تبن شوي يا استاذ حبوب ؟؟؟
سكت حبوب الرجة....
فتكلم الضابط وقال : شوف يا استاذ حبوب ...
الكيس الأبيض هذا حنا اللي حطيناه حتى نجرب الكلب ونختبره !
خخخخخخخخخخخخخخ
ومنها تتوب مرة ثانية عن المزح اللي مال أمه داعي ....
خخخخخخخخخ
هع هع هع هع هع هع هع هع
اتمنى تعجبكم ولاتنسوني من الدردود ا
وااااااااااااااااو الموضوع جنان