قصة لقاء

من بزغة الفجر والنوم مجفيلي جفوني
.............................وسط حيرة سنيني جتني تناجي المراح
محبوبتي من غيرها ياما تمنتها عيوني
.............................كنت حاير كنت أحاتي ردها من الصباح
وقت العصر زادت ظنوني انها ما تجيني
.............................دقيت أتطمن و أقول عسى البال مرتاح
ردت و قالت أكيد بس النوم فعيوني
.............................خفته يكون النوم غالبها و فكري ساح
قلت في بالي أذكرها يمكن نستني
.............................غناتي تذكري بينا موعد يا ورد الصباح
ردت و وآثار الخجل بالصوت تقول ذكرني
.............................يا عمري ما نسيت بس الخجل فيني ارتاح
و خيم على صحاري قلبي و غطاني
.............................قلت تكفين ..ترى الشوق لقلبي استباح
ودي اشوفك ترى والله مشتاقه عيوني
.............................قالت سامحني مقدر يا صاحبي ارجو السماح
قلت حاضر يا غناتي و انا ما بيني و بيني
.............................أقول ليه تحرمني شوفة الوجه الصباح
و اعرف انها تدري بكل تفكيري وتحس فيني
.............................تعرف ان الشوق متعبني و مو مرتاح
وانا ضايق في همومي ارجعت هي واسألتني
.............................ودك تروح المكان الفلاني يا صاح؟
قلت والفرحه انعشت قلبي: طبعا يا ظنيني
.............................قالت اجهز ولا ترى موعدك يا صاحبي راح
قمت كني ثور هايج اكسر الدنيا بيديني
.............................جهزت نفسي و انطلقت لموعد الأفراح
وصلت وقلت بتطمن وين صارت؟ بتجيني؟
.............................قالت الحين جايه واسرع من صوت الرياح
دق قلبي يا سلامي شوفته حلم بعيوني
.............................شو بقول و شو بخلي شاب فكري واستراح
و قلت خل القلب يحكي ماله داعي له لساني
.............................وصلني المسج الي يقول انا وصلت ياصاح
قلت حاضر جاي حالا ورجليني ثقلوني
.............................شفتها هناك تنطر وحسيت فقلبي انشراح
قربت منها و شفتها و ما صدق عيوني
.............................في وجهها بسمة خجل والوجه غطاه الوشاح
والخد أحمر والعيون كحال فدتهم شجوني
.............................كانت استاذة خجل والخجل فيها مباح
كانتدكتورة جمال واجمل من ظنوني
.............................قمت أسطر في شذاها اجمل انواع المزاح
و هي تسمعني وانا اناظرها بعيوني
.............................كل شي فيها حلو مثل عطر الندى الفواح
سلسالها اسوارها خاتمها روجها البابوني
.............................شنطتها جوالها شيلتها قلادة المفتاح
كل شي فيها عجبني وكل ما فيها سحرني
.............................قالت اسمحلي و سامحني تأخرت و بروح
قلت تو الناس يا عمري يا هوا شجوني
.............................يا عسل يا عذب يا قلب شافي للجراح
قالت اسمحلي و بروح كلهم ينطروني
.............................قلت حاضر و راحت و قلبي معاها راح
عشت دنيتي بفرح من هاليوم الجنوني
.............................يا حلاه ولو يعود و يا حلا شوفة الصاح
اعشقه واعشق عيونه هو نظر عيني
.............................يا هوا يا عشق يا هيام في قلبي استراح
ذاب قلبي في هواه و صار يزعجني فنومي
.............................اسهر أعد عشقي كم وصل لين الصباح